GJIROKASTËR
Një aksident rrugor është shënuar pasditen e sotme në aksin rrugor Gjirokastër-Kakavijë. Sipas policisë, një 62-vjeçar është përplasur nga një makinë tip “Benz” edhe për pasojë ka marrë plagë të shumta.
Gazetarja e “BalkanWeb”, Brikena Metaj raporton se i dëmtuar ka mbetur shtetasi Flamur Pashaj, i cili pritet të transportohet me urgjencë me helikopter në drejtim të Tiranës. Shoferi i mjetit është shoqëruar në komisariat dhe aktualisht po merret në pyetje.
Njoftimi i policisë:
Në aksin nacional Gjirokastër – Kakavije, në afërsi të fshatit Grapsh, automjeti tip “Benz”, me drejtues shtetasin E.H, 20 vjeç, banues në Fier, ka goditur shtetasin F.P, 62 vjeç, banues në Fier, i cili është transportuar në Spitalin Rajonal Gjirokastër.
Shtetasi E.H. është shoqëruar në ambjentet e Komisatiatit të Policisë Gjirokastër. Në vendngjarje ka shkuar grupi hetimor dhe po punon për zbardhjen e plotë të ngjarjes.