Policia e Shkodrës njofton se një aksident ka ndodhur në aksin Rrjoll-Shkodër rreth orës 15:00.

Dy makina janë përplasur “kokë më kokë” me njëra-tjetrën. Për pasojë, janë plagosur dy pasagjere, që ishin në mjetet përkatëse.

“Shkodër/Informacion paraprak

Rreth orës 15:00, në aksin rrugor “Rrjoll- Shkoder”, automjeti me drejtues shtetasin Gj. M., 66 vjeç, ka përplasur automjetin  me drejtues shtetasin N. S., 69 vjeç.

Si pasojë janë dëmtuar shtetaset V. M., 57 vjeçe dhe A.K., 54 vjeçe (pasagjere) në dy automjetet, te cilat janë dërguar për mjekim në spitalin rajonal të Shkodrës.

Grupi hetimor po punon për sqarimin e rrethanave të aksidentit”, njofton policia.

(Balkanweb)