Një aksident ka ndodhur pasditen e sotme në aksin rrugor Pogradec-Lin, në zonën e njohur si Guri i Kuq.

Në aksident janë përfshirë tre automjete, të cilat po udhëtonin në drejtim të kundërt, raporton gazetarja e News24, Lorena Kodra.

Si pasojë e aksidentit ka mbetur të plagosur një çift bashkëshortësh, të cilët janë transportuar me ambulancë drejt spitalit të Pogradecit.

Në vendngjarje ndodhet policia e cila po bën zbardhjen e plotë të rrethanave, pasi dyshohet se shkak ka qenë shpejtësia e lartë e njërit prej mjeteve.

Pogradec/Informacion paraprak

Rreth orës 17:10, në aksin rrugor “Korçë-Pogradec”, në afëris të fshatit Guri i Kuq, automjeti tip “Audi” me drejtues shtetasin F. Y., është përplasur me automjetin tip “Opel “, me drejtues shtetasin A. M., dhe me automjetin tip “Ford”, me drejtues shtetasin H. H.

Si pasojë e përplasjes kanë ngelur të dëmtuar drejtuesi i automjetit tip “Ford” shtetasi H. H., si dhe bashkëshortja e tij shtetasja Xh. H., të cilët ndodhen në spital nën kujdesin e mjekëve.

Drejtuesi i automjetit tip “Audi”, shtetasi F. Y., është shoqëruar në ambjetet e Komisariatit, për veprime të mëtejshme procedurale.

Grupi hetimor ndodhet në vendngjarje, për të zbardhur rrethanat dhe shkakun e aksidentit.