Turistja italiane, e cila u aksidentua në aksin rrugor Pogradec-Lin është nisur me helikopter drejt Spitalit të Traumës në Tiranë, për shkak të gjendjes shëndetësore.

Aksidenti i rëndë ndodhi në afërsi të vendit të quajtur “Guri i Kuq”. 31 vjeçarja italiane, e cila drejtonte motorin, u përplas me një automjet tip Benz që drejtohej nga një 33 vjeçar.

Paraprakisht dyshohet se aksidenti ka ndodhur si pasojë e prerjes së menjëhershme të rrugës nga drejtuesja e motorit, e cila ka qenë duke dalë me mjetin e saj nga pjesa buzë liqenit të Ohrit në rrugë.

(BalkanWeb)