NGA: Fatmir Popja
ELBASAN-Dita e sotme ka mbledhur qytetare vullnetare nga i gjithë Elbasani, në kuadër të aksionit kombëtar të pastrimit, një aksion praktik sensibilizues për një Shqipëri më të pastër. Kësaj nisme i është bashkuar edhe Ministrja e Drejtësisë, Etilda Gjonaj dhe kryebashkiaku Qazim Sejdini.
Ata ishin së bashku me grupin që kontribuoi për pastrimin e brigjeve dhe rrjedhës së përroit të Zaranikës në një nga lagjet periferike të qytetit të Elbasanit. Ministra Gjonaj nga ana e saj e vlerësoi “Nismën ta pastrojmë Shqipërinë që duam”. Mes të tjerash ajo theksoi se Shqipëria do të pastrohet siç po pastrohet sistemi i drejtësisë.
“Si po punojmë të mbajmë pastër Shqipërinë do punojmë të pastrojmë Pallatin e Drejtësisë nga të korruptuarit. Siç po pastrojmë pallatin e Drejtësisë do pastrojmë edhe Shqipërinë”, tha Gjonaj.
(ed.me/BalkanWeb)