TIRANË-Sekretari i Përgjithshëm i LSI-së Luan Rama ka sulmuar sot Patinë Demokratike lidhur me çështjen e blerjes së votave. Duke ju referuar një lajmi të publikuar në një të përditshme shqiptarë ku akuzohet kandidatja e PD-së në Shkodër për blerje votash Rama theksoi se Partia Demokratike vepron me dy standarde.
“Zbatimi i ligjit dhe ballafaqimi i çdo qytetari me ligjin ehte standard i LSI. LSI denoncon dhe dënon me forcë papërgjegjshmërinë dhe dy standardet qe vepron PD. Nga njëra anë flet për dekriminalizimin dhe kandidon me individë me rekorde kriminale në kundërvënie të plotë edhe me këshillat ndërkombëtar ka kandiduar njerëz të dënuar me rekorde kriminale.”- u shpreh Rama.
Më tej ai theksoi se faktet e shumta dëshmojnë sjelljen me dy standarde të PD. “Edhe në zgjedhjet e 21 qershorit qytetarët shqiptarë që njohin politikën me dy standarde në lidershipin e PD do dënojnë me votë të inkriminuarit e PD. Se sa e dalë boje është politika e dalë boje e akuzave dhe vajtimit. Çfarë PD akuzon për të tjerët praktikisht e bën vet. LSI është dhe vazhdon të jetë tek qytetari tek problemet shqetësimet e qytetarit. Për të dëshmuar se ndryshimi ynë në sjelljen me dy standarde dyfytyrësinë e PD është si dita me natën. Këta individë ti çojë në organin e drejtësisë në mënyrë që të dëshmojë që dekriminalizimi është filozofi dhe jo flamur apo perçja poshtë të cilës fshihet PD.”- përfundoi Luan Rama.
(a.n/BalkanWeb)
