Prokuroria suedeze ka hapur sot një hetim lidhur me akuzat e abuzimit seksual kundër themeluesit të WikiLeaks, Julian Assange. Sipas Eva-Maria Persson, zv.prokurorja suedeze, ka ende dyshime që Assange mund të ketë përdorur dhunë. Themeluesi i ËikiLeaks është nën arrest në Britaninë e Madhe që nga data 11 prill, pas dëbimit nga ambasada në Ekuador në Londër që i kishte dhënë azil.
Një gjykatë britanike më herët e ka dënuar më 1 maj, themeluesin e kompanisë WikiLeaks, Julian Assange me 50 javë burgim, për shkak të shkeljes së rregullave të lirimit me kusht.
Australiani 47-vjeçar është shpallur fajtor për shkelje të Aktit për Lirim me Kusht, pasi arrestimit që i është bërë në Ambasadën e Ekuadorit në Londër. Assange ka qëndruar si refugjat në këtë ambasadë nga viti 2012, për t’i ikur ekstradimit në Suedi, ku pritej të përballej me dyshimet për sulme seksuale dhe dhunime.
Ai ka mohuar vazhdimisht këto pretendime, derisa hetimet për këto raste kanë pushuar një vit më parë. Aktualisht ai përballet me akuza për komplot nga gjykata federale e Shteteve të Bashkuara, për shkak të publikimit të sekreteve qeveritare.
Britania pritet të vendosë nëse do ta ekstradojë atë në SHBA, meqë mund të dënohet me rreth 5 vjet nëse shpallet fajtor.
