Më 19 korrik 2007, ekipi kombëtar kilian U-20 humbi ndaj Argjentinës në gjysmëfinalet e Kupës Botërore në Kanada. Pas ndeshjes, disa lojtarë kilianë, me Vidal mes tyre, patën një grindje me policinë. Ata u arrestuan dhe u shoqëruan me pranga në rajonin e afërt policor.
Mesfushori akuzoi agjentët se e kishin fyer me shprehje raciste dhe se kishin përdorur forcë të tepruar kundër tyre. Në nëntor 2011, Arturo Vidal, Gonzalo Jara, Zhan Busezhur, Karlos Karmona dhe Horge Valdivia mbërritën vonë në grumbullim, në gjendje të dehur, pasi morën pjesë në pagëzimin e djalit të Valdivias.
Trajneri Klaudio Borgi dhe “ANFP” vendosën të ndëshkonin lojtarët me 20 ndeshje pa qenë në gjendje të mbanin fanellën e kombëtares veshur. Pasi kërkoi falje, ky ndëshkim u zvogëlua në 5 ndeshje.
FESTA
Në korrik 2013, modelja kolumbiane, Mónika Himénez, regjistroi një video të një bisede me Arturo Vidal dhe Geri Medel. Në imazhe, të dy duken të dehur gjatë grumbullimit me kombëtaren e Kilit, edhe pse ndodheshin para ndeshjeve kundër Paraguait dhe Bolivisë. Tetor 2013. Kili u kualifikua për në Kupën Botërore 2014, në Brazil, ndaj festa e lojtarëve me partneret e tyre zgjati.
Festa përfundoi me Vidal, që e humbi fluturimin për t’u kthyer në Itali. Juventusi e gjobiti atë. Një vit më vonë, mesfushori kilian u pezullua për një akt të mosdisiplinimit para ndeshjes kundër Romës. Më konkretisht, ai shkoi në një klub nate, ku qëndroi deri në orën 05:30 të mëngjesit dhe kishte një grindje me një tifoz.
VESI I PIJES –
Gjatë “Copa America 2015”, një ditë para se Kili ta fitonte për herë të parë në histori këtë kompeticion, Vidal pati një aksident me makinë, teksa po udhëtonte për në grumbullim me kombëtaren pas një dite pushimi. Imazhi i Ferrarit të shkatërruar bëri menjëherë xhiron e botës, duke pushtuar rrjetet sociale. Mesfushori nuk mori asnjë dënim dhe mbajti një konferencë shtypi për të kërkuar falje.
“Kam pirë vetëm dy gllënjka, pastaj kam pasur një aksident, që të gjithë e dini. Kam vënë GOLA në rrezik jetën e gruas sime e të shumë njerëzve. Unë jam shumë keq. Do të jap më të mirën për të qenë kampion. Na vjen keq që u përfshimë në këtë aksident”, tha ai përmes lotëve.
Futbollisti kilian pati grindje në një kazino pranë Santiago, ku mbajti një festë, e cila zgjati deri në orët e mëngjesit. Policia duhej të shkonte në vendin e paralajmëruar nga rojet e sigurisë, pas humbjes së kontrollit të situatës, teksa një rrahje masive kishte ndodhur.
“Po, unë kam qenë në kazino, shkova për darkë me miqtë e mi, por kam kaluar një kohë dhe pastaj u largova për në shtëpi. Më kanë përfshirë edhe mua në këtë sherr, por nuk është e vërtetë”, tha Vidal në një konferencë shtypi.
Burimi: http://www.panorama.com.al/sport/alkool-sherre-dhe-jete-e-crregullt-ja-bemat-e-kokekrisurit-vidal/
(BalkanWeb)
