TIRANË – Komisioni i Ligjeve ka miratuar sot, shtimin e 2 monitoruesve në Autoritetin e Medias Audi0-Vizive në vend të dy personave në Sekretariatin e Përgjithshëm. Ka qënë ky një propozim i deputetit Bashkim Fino.
Komisioni do të shqyrtonte sot propozimin për disa ndryshime në strukturën, organikën dhe numrin e punonjësve të administratës së Autoritetit të Mediave Audiovizive në prani të kreut të këtij institucioni, Genti Sala.
Fino tha gjatë diskutimit se “buxhetin për AMA-n e kemi miratuar me një nr. të fiksuar dhe mendoj se nuk ka pse të ketë Sekretari të Përgjithshme në AMA dhe as zëvendës/sekretar. Sekretar nuk kanë as deputetët. Më mirë të shtojmë monitoruesit, nga 6 të bëhen 8.”
Në përfundim, Komisioni e miratoi projektligjin me propozimet e Finos.
(ar.sh/BalkanWeb)