Elesid Hysaj do të qëndroj tek Napoli, të paktën për momentin. Blutë refuzuan disa oferta të ardhura për mbrojtësin kuqezi ku me sa duket nuk ishte vetëm çështje ekonomike por dhe taktike. C.Ancelotti ka bërë publikë listën me lojtarët e grumbulluar për këtë edicion të Champions League, mes 24 futbollistëve të përzgjedhur bën pjesë dhe Hysaj.


Napoli
Napoli

Pavarësisht se Ancelotti ka në dispozicion katër anësor, Hysaj është përfshirë në këtë listë duke konfirmuar se beson ende tek mbrojtësi shqiptar. Në këtë fillim sezoni, Ancelotti e ka bërë të qartë idenë e tij, Hysaj nuk shihet titullar në skemat e tij por ky është një sezon i gjatë dhe gjërat mund të ndryshojnë rrugës.


Atalnta Lista
Atalnta Lista

Për herë të parë në Champions League do të luaj Berat Gjimshiti. Ndryshe nga Hysaj, Gjimshiti shihet si titullar nga trajneri Gasperini. Qendërmbrojtësi i Kombëtares ishte një nga pikat më të forta të Atalantas në sezonin e fundit ku siguruan për herë të parë një biletë për në Champions League.


Lazio Lista
Lazio Lista

Nuk ka asnjë surprizë në listën e publikuar nga Lazio për Europa League. Tomas Strakosha bën pjesë në 24 futbollistët e grumbulluar, i projektuar si titullarë absolut dhe lider i prapavijës.
(BalkanWeb)