Gazetari i njohur Andi Tela rikthehet në drejtimin e grupit mediatik “Focus Media News” ku përfshihen News24, BalkanWeb, Gazeta Shqiptare, Radio News24 si dhe të “Panorama Group”.
Prezantimi i z.Tela përpara bordit dhe stafit të News24, BalkanWeb dhe Gazetës Panorama u bë nga Presidenti i “Hysenbelliu Group”, z.Irfan Hysenbelliu.
Z.Hysenbelliu vlerësoi bashkëpunimin prej 17 vitesh në të kaluarën me z.Andi Tela dhe i dha besimin e plotë për drejtimin e mediave të rëndësishme dhe lidere në Shqipëri.
Zoti Hysenbelliu shprehu falenderimin e tij edhe për bashkëpunimin shumë të mirë me z.Aleksandër Çipa, të cilit i uroi suksese në angazhimet e tij profesionale.
Andi Tela është një gazetar i njohur e me eksperiencë të gjatë drejtuese në media, i angazhuar për informimin dhe analizimin e ngjarjeve më të rëndësishme në vend.
(BalkanWeb)
