Arrestohet me urdhër të SPAK, ish-deputeti i PS Jurgis Çyrbja.
Gazetari Igli Celmeta raporton për BalkanWeb se deputeti socialist është prangosur pasditen e kësaj të diele, disa ditë pasi u mor i pandehur nga SPAK. Çyrbja dha dorëheqjen edhe nga mandati i deputetit vetëm një ditë pasi prokurorët i komunikuan akuzat.
SPAK me anë të një deklarate për mediat ka dhënë detaje nga arrestimi i Jurgis Çyrbjas. Çyrbja akuzohet për tre vepra penale.
“Nisur nga interesi i madh i mediave ju komunikojmë se Policia e Shtetit ka ekzekutuar sot masen e sigurimit arrest ne burg të caktuar nga Gjykata e Posacme e Shkallës së Parë për Korrupsionin dhe Krimin e Organizuat ndaj shtetasit Jurgis Cyrbja, si i dyshuar për kryerjen e veprave penale të “Korrupsioni altiv në zgjedhje”, parashikuar nga neni 328 i Kodit Penal; “Përkrahja e autorit të krimit”, parashikuar nga neni 302/1/2 të Kodit Penal si dhe “Tregëtimi i sekretit shtetëror nga shtetasit” parashikuar nga neni 295/1 i Kodit Penal. Nesër do të ketë një njoftim për shtyp me më shumë detaje”, tha SPAK me anë të një njoftimi.
Struktura e Posaçme shtoi se nesër do ketë më tepër detaje.
Kallëzimin për Çyrbjen fillimisht e ka bërë Edi Paloka për “shpërdorim detyre” kur ish-deputeti i PS ishte drejtor i Hipotekës në Durrës. Ky kallëzim ka shërbyer si indicie për SPAK që të thellonte më tej hetimet ndaj Jurgis Çyrbjes.
Jurgis Çyrbja dyshohetnse ka përdorur edhe aplikacionin Sky Ecc.
(Balkanweb)