Policia e Dibrës ka arrestuar një tjetër zyrtar të Partisë Demokratike, pas protestave në KZAZ-në e Dibrës. Në pranga ka rënë nënkryetari i PD në Dibër, Ilir Hysa.
Hysa është arrestuar pas përleshjeve të forta mes policisë dhe protestuesve më 28 qershor në KZAZ-në numër 19.
Gjithashtu, policia ka ndaluar dhe kryetarin e grupit të seksionit Tomin në Dibër, Gafur Gazidede, si dhe Sekretari i seksionit të PD në qytetin e Peshkopisë, Zamir Uka.
Ndërkohë, pak ditë më parë në pranga ra dhe nënkryetari tjetër i PD në Dibër, 30-vjeçari Korab Muça, i cili u ndaluar në doganën e Blladës. Dy nënkryetarët ishin në kërkim, ndërsa PD e Dibrës ka gjithsej tre nënkryetarë.
Kujtojmë që gjatë protestës në KZAZ0në nr.19, pati përplasje të ashpra mes policisë dhe mbështetësve të opozitës.
Këta të fundit tentuan të çanin kordonin e policisë për t’u futur brenda KZAZ-së dhe për të djegur materialet zgjedhore, por u shpërndanë nga policia me gaz lotsjellës.
Protesta vijoi për orë të tëra, ndërsa pati disa të lënduar dhe shumë të shoqëruar.
(Kreu i gr.seksionit Tomin, Gafur Gazidede)
(BalkanWeb)
