TROPOJE- Rreth 2 mijë rrënjë kanabis sativa janë gjetur dhe asgjësuar pasditen e sotme në Tropojë , ndërsa në pranga është vënë kultivuesi i tyre. Aksioni antikanabis është zhvilluar nga blutë e Tropojës ditën e sotme, në fshatin Lekbibaj.

Bima narkotike, 1560 rrënjë, ishte e mbjellë në 9 parcela në fshatin Lekbibaj. Ndërkaq, policia arrestoi kultivuesin e tyre, shtetasin Klodian Gjini 26 vjeç, banues në Cerrnicë.

Në vijim të aksionit, policia gjeti dhe asgjësoi po më anë të djegies 440 rrënjë kanabis sativa të mbjella në vendin e quajtur “Përroi i fshatit Palc”.

Tashmë policia po punon për identifikimin dhe kapjen e kultivuesve të këtyre bimëve narkotike.

Ndërkaq, në Lezhë janë asgjësuar 442 rrënjë kanabis sativa të mbjella në fshatin Ungrej.

(b.e/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: