Kryetari i Partisë Demokratike Lulzim Basha nga Shkodra tha se qeveria e Edi Ramës ka lidhje me krimin. Basha u shpreh se Rama nuk bën dot pa kriminelët.
Basha përmdendi edhe atentatin ndaj prokurorit të Durrësit Arian Ndoji, duke thënë se bandat në qeveri e goditën atë me kallash, sapo Ndoji preku interesat e tyre në Gjirin e Lalëzit.
“A e patë se çfarë bëri Rama në Shkodër, vuri një person që e kapte dekriminalizimi. Ashtu veproi edhe në Vorë me Agim Kajmakun, edhe në Vaun e Dedës me Mark Babanin. Shqiptarët shkëlqejnë kudo, ndërsa këta zgjedhin kriminelët në krye. Po ashtu, ndodhi edhe me një prokuror, të cilin edhe ne e kemi denoncuar për lidhje me krimin, që kur preku interesat e tyre, i treguan kallashin. Beteja bëhet për tokat në Gjirin e Lalëzit, ku bandat qeveritare luftojnë me kallash e nuk lejojnë askënd t’i prekë në interesa”, tha Basha.
Lulzim Basha theksoi se është në politikë për të sjellë drejtësi e për të luftuar padrejtësinë në vend.
“Tani shohim se qeveria e shqiptarëve është mbushur me kriminelë. Prandaj e kam nisur me rininë, aty ku ka vlera reale. Jam i vendosur që të vazhdoj betejën kundër padrejtësisë. Së bashku do të bëjmë ndryshimin e shpejtë dhe ta pandalshëm për një ndryshim për të gjithë.”, deklaroi Basha.
(d.xh/Balkanweb)
