Në emisionin “Open” në News24 është diskutuar mbi atentatin e ndodhur pasditen e sotme në Shkodër.

Në këtë ngjarje u ekzekutuan Hamza Lici dhe Arlind Bushati, që ndodheshin në një automjet tip Benz dhe Flutra Basha. Kjo e fundit, e pafajshme dhe pa lidhje me ngjarjen humbi jetën teksa po udhëtonte me motor me bashkëshortin e saj, por u përplasën nga makina e viktimave.

Ndaj Hamza Licit dhe Arlind Bushatit është qëlluar me breshëri armësh kallashnikov, ndërsa dyshohet se janë dy autorë që kanë marrë pjesë në këtë atentat.

Gazetarja Klodiana Lala tha se automjeti i djegur është gjetur në Grudë e Re, në drejtim të Malësisë së Madhe.

Ajo tha se nuk ka asnjë të dyshuar lidhur me ngjarjen, por pista kryesore ku po hetohet është ajo e përplasjeve mes grupimit Lici dhe atij Bajri.

Lala tha se janë kryer kontrolle dhe janë shoqëruar disa persona, por ende nuk ka persona të dyshuar për ngjarjen.