Partizani është shpallur kampion ditën e djeshme, pasi triumfoi në derbin e madh të kryeqytetit duke mposhtur Tiranën 2-1 dhe duke siguruar matematikisht titullin 3 javë përpara fundit të kampionatit. Skuadra e drejtuar nga trajneri Skënder Gega, fitoi 2-1 falë dygolëshit të Erald Çinarit, duke vijuar të ruajë traditën pozitive prej 17 ndeshjesh derbi pa humbje.

Ndaj, klubi i kuq, mes shumë postimeve që kanë marrë mijëra pëlqime dhe komente, ditën e sotme ka hedhur një video të veçantë, ku rrëfehen të gjitha emocionet speciale të një ndeshjeje speciale, siç është sfida derbi e shoqëruar me titullin kampion.

(Balkanweb)