Nën titullin “Morali dhe të ndershmit”, Aurela Gaçe, shkruan një koment të gjatë për vdekjen e Dr Florit dhe deklaratat që pasuan këtë humbje të muzikës shqiptare. Aureola është shumë kritike me disa njerëz që bënë moralistët dhe thotë se “pikërisht këta qe sot na shesin moral, janë pikërisht ata që për dashnore kanë gratë e shokëve… madje ka raste edhe i ndërrojnë dashnoret me njeri-tjetrin”.
Aurela në këtë koment ku shpreh edhe dhimbjen për humbjen e Dr Florit me të cilin kishte realizuar një duet të arrirë, flet edhe për të ndjerin teksa thekson: “Ai iku. Por kurrë s’ u shfaq dikush qe nuk ishte. Kurrë nuk tha jam i ndershëm. Kurrë nuk gjykoi askënd. Madje ne këngët e tij thoshte”jam po i njëjti, vazhdoj te pi prape Jack”…. foli hapur për atë që ishte…. për çfarë besonte, çfarë jetonte”. Gjithashtu Aurela ka publikuar edhe disa foto që i gjeni më poshtë.
Ja komenti i plotë i Aurela Gaces në Facebook
Morali dhe të ndershmit Ai iku. Por kurrë s’ u shfaq dikush qe nuk ishte. Kurrë nuk tha jam i ndershëm. Kurrë nuk gjykoi askënd. Madje ne këngët e tij thoshte”jam po i njëjti, vazhdoj te pi prape Jack”…. foli hapur për atë që ishte…. për çfarë besonte, çfarë jetonte. Edhe kur e mundi demonin e tij, atë qe vetëm ai e familja e dinte sa shume luftoi, ai përsëri doli hapur ne tv, dhe deklaroi se ishte fitimtar. Cili artist ka qene kaq troç e kaq i vërtetë e kaq i hapur te linte këdo ta shikonte siç ishte? Cili artist ishte kaq i gatshëm te lejonte këdo te kuptonte qofte edhe problemet e tij bashke me shpirtin e tij plot dashuri. Ai ashtu ishte e iku i njëjtë. Prandaj dhe e deshëm. Puna eshte tek ata-ato te “ndershmit” te “moralshmit”. Si i behet qe pikërisht këta qe sot na shesin moral, janë pikërisht ata qe për dashnore kane grate e shokeve…, si i behet me ata qe per hir te te qenit “modernë” ka raste edhe i ndërrojnë dashnoret me njeri-tjetrin….qe grave te tyre ne shtëpi u flasin me fjalorin me te ulet, pikerisht sepse s’ kane respekt per to….sepse e dine qe edhe ato rrinë me ata sepse u sigurojnë jeten….si t’ia u bëjmë atyre qe rrinë me gratë e tyre e anasjelltas, për hir te “fëmijëve” ose me sakte per sytë e botes….si t’ja u bëjmë atyre qe flenë me burrat e tyre dhe bejne sikur nuk dine qe burri fle me një, dy, tre….madje impotenca e bën te përdorë edhe viagra. Ketyre te moralshmeve te pa moralshëm si t’ja u bëjmë??? Qe sigurisht thithin nga pak kokaine tavolinave ku flasin per moral, ku mes tymit te purove e gllënjkave te whiskey-t, na shesin aq shume moral se si duhet te jete artisti, e pikërisht ai qe kurrë nuk e fshehu veten përpara askujt. Pra, na shesin aq shume moral sa *ordhët e tyre te “ndershme” mbajnë aq shume erë sa na qelben ajrin. Lëreni or dreqër te prehet i qete. Lëreni or djaj familjen te qaje djalin e vete. Lëreni edhe veten tuaj te lire ndonjëherë po ja u mbajti e dilni hapur ashtu siç jeni…por s’ mundeni se e dini shume mire te vërtetat e jetëve tuaja te mbushura me bosh, te mbushura me trishtim… e kujtohuni qe rrisni fëmije edhe ju e mund t’ju dhembe zemra njësoj ndonjë ditë. Nuk mundeni te jeni te lire si ai qe u kënaqet duke gjykuar, as ne ëndrrat tuaja me te shfrenuara. Ai ishte i lire, dhe vetja e vete. Shpirt i lire, pranoi Zotin ne jetën e tij, dhe Zoti e mori ne gjirin e tij. Unë kam hallin tuaj ku do te shkoni kur te ikni nga kjo jetë….sado tym të bëjë puroja juaj, nuk mund të bëhet re e t’ju ngrejë deri tek Zoti. Mesazh i qarte për ju qe hodhët sado pak balte mbi dhimbjen e një njeriu qe ju dha veçse dashuri mes artit te tij…qe hodhët balte mbi dhimbjen e familjes….karma mund të vije t’ju takoje ndonjë ditë….”, – përfundon komenti i Aurela Gaçes.
(d.b/BalkanWeb)
