Një valë e të nxehtit që ka përfshirë Australinë juglindore po arrin kulmin sot, duke rritur nivelin e alarmit për zjarret në shtetin e Viktorias.
Javën e kaluar, një zjarr i madh në pyllin kombëtar të Grabians bëri hi shtëpitë e fermat dhe qindra mijëra hektarë tokë bujqësore.
Shërbimi Kombëtar i Motit parashikon se termometri mund të rritet në 45 gradë Celsius sot në disa pjesë të Viktorias, shteti i dytë më i populluar i Australisë. Temperatura në Melburn parashikohet të arrijë deri në 38 gradë Celsius. Në qytetin e Mildura, në veriperëndim të shtetit, termometri ishte 32.9C në orën 10.30 të mëngjesit (koha lokale) dhe parashikimi tregon për një temperaturë maksimale prej 42C, duke tejkaluar janarin e zakonshëm për rajonin.
Southeastern Australia is preparing for bushfires
The southeastern region of Australia witnessed a heat wave that intensified on Sunday, which increased the chances of forest fires, and prompted authorities to issue a ban on lighting fires in more parts of the state of Victoria. pic.twitter.com/t6WrEMrDqH— Hamdan News (@HamdanWahe57839) January 5, 2025
Autoritetet në shtetin e Viktorias po paralajmërojnë për rrezik “ekstrem” zjarri në disa zona.
Duke folur për rrjetin televiziv ABC, meteorologia Miriam Bradbury paralajmëroi se vala e të nxehtit në Victoria do të arrijë kulmin sot dhe se nga mbrëmja pritet të jetë më freskët. Temperaturat e larta sezonale parashikohen gjithashtu për pjesë të Australisë Perëndimore, Uellsit të Ri Jugor dhe Tasmanisë.
Vera më e keqe e Australisë në vitet e fundit ishte 2019-2020, kur zjarret dogjën një zonë me madhësinë e Turqisë dhe vranë 33 njerëz.
