Të paktën katër persona kanë humbur jetën dhe 20 të tjerë janë plagosur si pasojë e një sulmi me bombë në afërsi të sheshit Tahrir në kryeqytetin irakian Bagdad, qendrës së protestave antiqeveritare në vend.

Sipas burimeve të sigurisë, bomba e shpërthyer ka qenë e vendosur në një automjet të parkuar në afërsi të sheshit.

Zhurma e krijuar nga shpërthimi është dëgjuar në shumë zona të qytetit.

Iraku ka qenë skenë e protestave masive të cilat filluan muajin e kaluar kundër kushteve të këqija të jetesës dhe korrupsionit të shfrenuar, por u shndërruan në kërkesa për largimin e qeverisë së kryeministrit Adel Abdul-Mahdi.

Sipas Komisionit të Lartë irakian për të Drejtat e Njeriut, të paktën 325 persona janë vrarë dhe rreth 15.000 janë plagosur që prej fillimit të demonstratave më 1 tetor.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb