Vendasit kanë deklaruar të hënën, se njerëz të armatosur kanë qëlluar mbi ndërtesa dhe kalimtarë dhe i kanë vendosur flakën ndërtesave dhe makinave. Banorët janë larguar për të shpëtuar jetën e tyre.
Më pas bandat sulmuan stacionin e policisë lokale dhe sulmuan burgun, ku llogaritet se mbaheshin rreth 500 persona.
Mediat ndërkombëtare raportuan se zyrtarët e policisë kishin rifituar kontrollin e Mirabel. Megjithatë, shumë nga të burgosurit e arratisur ende enden rrugëve.
Bandat e armatosura kontrollojnë pothuajse të gjithë kryeqytetin e Haitit, Port-au-Prince. Ky sulm sugjeron se ata po synojnë gjithnjë e më shumë qytete në pjesë të tjera të vendit.
Një gazetar nga Haiti deklaroi për mediat se sulmuesit i përkisnin dy bandave, 400 Mawozo dhe një grupi që e quan veten “Talibanë”, të cilët i përkasin koalicionit të bandës Viv Ansam që kontrollojnë pjesët veriore të Port-au-Prince.
(BalkanWeb)
