Numri një i stolit të Arsenal, Arteta iu përgjigj pyetjeve të gazetarëve pas barazimit 1-1 me Brighton.

“Së pari, jam i zhgënjyer me rezultatin dhe mbi të gjitha sepse e nisëm mjaft mirë ndeshjen dhe shënuam gol. Më pas na mungonte kontrolli, humbëm topin dhe nuk i bëmë gjërat e thjeshta sa duhet për të qenë nkomandues, për të pasur dominimin që na duhej”.

Për penalltinë e Brighton: “Ne jemi vërtet të zhgënjyer me vendimin që çoi te goli, sepse nuk kam parë kurrë diçka të tillë në jetën time”.

Për paraqitjen në pjesën e dytë: “Ne bëmë shumë gjëra jo në mënyrën më të mirë me topin, kështu që nuk patëm momente. Kurrë nuk e pozicionuam veten në zona që të mund të krijonim raste dhe të kundërpërgjigjeshim në kohën e duhur. Mendoj se duhet të bëjmë shumë më mirë se sot dhe për fat të keq humbëm dy pikë”.