TIRANË

Lideri i opozitës Lulzim Basha ka folur për gazetarët pas takimit me të dërguarën e SHBA-ve në selinë e PD. Ai nuk ka pranuar të komentojë apo tregojë detaje nga takimi dhe biseda me diplomaten amerikane Leyla Moses-Ones. Ai theksoi se 30 qershori nuk është ditë zgjedhjesh dhe nuk ka zgjedhje pa opozitën.


“Takimet që kam me diplomatët e huaj nuk kanë qenë kurrë subjekt i bisedave të mia me përfaqësuesit e shtypit”, tha Basha.

I pyetur nëse ka kërkuar nga të zgjedhurit në pushtetin lokal që të krijojnë incidente në 30 qershor, kreu i PD tha se ky është një mashtrim.


“Ku e keni marrë këtë informacion. Natyrisht që është një prodhim i mercenarëve mediatikë të Edi Ramës. Mashtrim total dhe shërbim që i bëhet Edi Ramës dhe klikës së tij. S’ka zgjedhje më 30 qershor. E para nuk ka zgjedhje pa opozitën. Votime bën edhe Koreja e Veriut por nuk ka zgjedhje. S’ka rëndësi çfarë mendon kryeministri, rëndësi ka që është një standard ndërkombëtar, europian. Zgjedhje pa opozitën nuk ka dhe nuk do të lejohen. Nuk do të lejohen, nuk do të pranohen, nuk do të njihen. Sot kemi ligjin e zbatueshëm që thotë që 30 qershori nuk është ditë zgjedhjesh. Çdo hap i Edi Ramës, fushata, mitingje elektorale janë të paligjshme. Ndërkohë që aleanca qytetare me opozitën në krye është e vendosur të mbrojë demokracinë, rendin kushtetues.
Konfirmimi është i qartë dhe i printuar e zezë mbi të bardhë në fletoren zyrtare të Republikës së Shqipërisë. 30 qershori nuk është datë zgjedhjesh, është data kur Edi Rama do përpiqet t’i kthejë shqiptarët në zgjedhjet monopartiake Une nuk kam komentuar asnjehere takimet me ambasadoret, nuk kam oer ta bere as tani. Shqiptaret jane vetedijesuar dhe nuk do ta lejojne.30 qershori eshte dita kur nis fundi i regjimit autokratik te Edi Rames. Ju ftoj te pasquroni çfare thone perfaqesuesit e shoqerise, njerezit me influence, te pasqyroni fushaten #edheune te elites se shoqerise qe nuk pranon zgjedhje pa opoziten dhe angazhohet t’i pengoje ato. Pasqyrojeni, nese ju lene pronaret. Disa prej jush nuk ju kane lejuar. Televizionet kombetare psh, TCH dhe Tv klan vazhdojne sillem si dy vegla qorre te Edi Rames, Klani pak me i zgjuar se na pasqyron, Top Channel s’ka asnje aktivitet te opozites. Rruga e mbare i qofte! Perfekt per ne! Vetem sa ka provuar se ne çfare bataku ka rene media shqiptare.”, deklaroi Basha.


(m.k/BalkanWeb)