Kryetari i PD Lulzim Basha nga selia blu iu ka bërë thirrje shqiptarëve që të mos shkojnë të votojnë.

Basha theksoi se shqiptarët duhet të mos shkojnë nesër në votime, ndërsa ka shtuar se fundi i Ramës është shumë afër e se ky fund do i vijë nga braktisja masive. Ai shtoi se nesër populli shqiptar do të rezistojë ndaj regjimit.

Rrëzimi nuk vjen duke u rrahur shqiptarët me njëri-tjetrin. Fundi i Ramës po vjen nga braktisja që po i bëhet.ne kemi qenë parimor dhe kemi shërbyer ndaj interesit publik. Interesi qytetar ka qenë për ne mbi të gjitha. Ndryshe nga Edi Rama që për pushtet të tij do të çojë në vëllavrasje.

Mos bini pre e provokimeve për dhunë. Unë iu bëj thirrje mos të shkoni të votoni. Rezistoni. Regjimit po i vjen fundi. Sfidojeni regjimin nesër në mënyrë paqësore. Ne jemi europianë dhe sillemi si europianë. Nesër do të dallohet diferenca mes votimeve farsë dhe dinjitetin të shqiptarëve që sfidojnë regjimin. Zoti e bekoftë Shqipërinë”, tha Basha.

(d.xh/Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: