Në komisionin hetimor për sistemin TIMS janë paraqitur qëndrimet në përfundimit të hetimit parlamentar. E ndërsa kreu i Komisionit, Ervin Salianji, paraqiti raportin përfundimtar, duke iu referuar ekspertëve që kanë punuar pranë komisionit, nënkryetari socialist Toni Gogu, paraqiti një tjetër variant, duke e cilësuar si qëndrimin e mazhorancës.

Salianji tha se raporti i ekspertëve është 42 faqe, ndërsa socialistët aluduan se kryetari i Komisionit ka lexuar një tjetër raport dhe ka depozituar një tjetër raport.

“Si nuk ju vjen turp që thoni edhe këtë. Raporti një është dhe është paraqitur në Sekretari. Nga ky komision jeni thyer në mes, janë bërë gjetje që as i keni menduar. Ju keni fjetur këtu, ju ia keni futur gjumit”, iu drejtua Salianji, deputetëve socialistë.

Batutat në komision

Qefalia: Je i dashuruar pas mikrofonit

Salianji: Unë mikrofonin e përdor për të folur, ju ndoshta për një gjë tjetër