E regjistruar pak më parë në gjykatë, Bindja Demokratike merr edhe hapin tjetër atë të dorëzimit në KQZ të kërkesës për të marrë pjesë në zgjedhje.


Në deklaratën e parë të tyre ajo që bie në sy është logoja e Bindjes Demokratike, shumë e ngjashme me atë të Partisë Demokratike. Nuk dimë arsyen e një zgjedhje të tillë, por në fletën e votimit, një zgjedhës shqiptar do ta ketë të vështirë të dallojë logot nga njëra-tjetra. Ngjyra e fortë blu dhe B-ja në vend të P-së janë i vetmi ndryshim mes BD dhe PD.


Ndër të tjera në deklaratë thuhet se është krijuar edhe bordi i kësaj partie i përbërë nga ish-demokratë, ish-anëtarë të Kryesisë së Parisë Demokratike të lënë jashtë tashmë nga Basha. Mes tyre janë Arben Skënderi, Valbona Mezini, Fabian Topollaj, Astrit Patozi, Andi Përmeti dhe Leonard Olli.


  • foto galeri

Më poshtë “BalkanWeb” publikon edhe deklaraten e parë zyrtare të forcës së re politike.

ZYRTARIZOHET BINDJA DEMOKRATIKE DORËZON KËRKESËN NË GJYKATË DHE KQZ
Shqipëria do të ketë prej sot një parti opozitare më shumë. Bindja Demokratike dorëzoi paradite në gjykatën e Tiranës të gjithë dokumentacionin e regjistrimit si parti politike, shoqëruar me rreth 4 mijë rma mbështetësish për krijimin e saj.

Vendimi erdhi pas takimit të një grupi të madh nismëtarësh mbrëmjen e kaluar, ku u përcaktuan edhe hapat e para të kësaj organizate politike në rrugëtimin e saj.

Nismëtarët vendosën të mandatojnë një bord të përkohshëm, i cili do të përfaqësojë partinë deri në ngritjen dhe zgjedhjen e forumeve drejtuese të saj, sipas statutit.

Anëtarë të këtij bordi do të jenë: Arben Skënderi, Valbona Mezini, Fabian Topollaj, Astrit Patozi, Andi Përmeti dhe Leonard Olli, ndërsa koordinator i tij Astrit Patozi.

Po sot Bindja Demokratike dorëzoi në Komisionin Qëndror të Zgjedhjeve kërkesën për pjesëmarrje si subjekt politik në zgjedhjet vendore të 30 qershorit.

(m.a/BalkanWeb)

Etiketa: