“Një takim frymëzues me banorët e Njësisë nr. 9 në kryeqytet”, kështu shkruan drejtuesi politik i PD në qarkun e Tiranës, Belind Këlliçi për takimin e zhvilluar pasditen e së martës me mbështetësit e PD ku merrte pjesë dhe kryetari i PD, Sali Berisha.
“Qytetarëve iu parashtruan piketat mbi të cilat ndërtohet Programi i PD-së, i hartuar me ekspertizën më të mirë ndërkombëtare, dhe qeverisja në mandatin e ardhshëm 2025-2029:
1 – Rishpërndarje e drejtë – Asnjë qindarkë nuk e prodhon qeveria. Ajo ka për detyrë të mirëadministrojë dhe të kthejë tek qytetarët në mënyrë të ndershme dhe efiçente taksat që ata paguajnë. Në këtë drejtim shërben rritja e rrogave, pensioneve si dhe Karta e Konsumatorit e cila i kthen 20% të TVSH-së qytetarit.
2 – Marrëdhënie e ndershme me pronarët.
Historia e gazit lotsjellës dhe dhunës ndaj fëmijëve merr fund përfundimisht. Çdo pronar dëmshpërblehet sipas parimit: legalizim para urbanizimit.
Në të njëjtën kohë do të marrin fund të gjitha problemet me detyrimet shtetërore që rrjedhin nga pronësia dhe persekutimi politik i shqiptarëve.
Me Partinë Demokratike, një qeverisje e drejtë dhe e kujdesur ndaj qytetarëve është e mundshme”, mbyll postimin e tij, drejtuesi politik i qarkut Tiranë, Belind Këlliçi.
(BalkanWeb)
