Lëvizja “Shqipëria bëhet” kallëzon në SPAK ministren e Shëndetësisë, 2 ish-paraardhësit e saj dhe dy ish-drejtorët e QSUT për “shpërdorim të detyrës”, “vrasje me dashje”, “vrasje me dashje në lidhje me një krim tjetër” dhe “neglizhence në trajtim mjekësor”.

Kreu i Lëvizjes “Shqipëria Bëhet”, Adriatik Lapaj, i ftuar në rubrikën ‘Opinion” në News24 ka folur në lidhje me megaskandalin tek “Onkologjiku”, ku u shpreh se përgjegjësia për ta që ka ndodhur atje është personale jo kolektive.

Lapaj shtoi se politika e ndjekur, është vendosja e një limit buxhetor, dhe blerja e barnave me vetëm atë sasi parash, pavarësisht se numri i pacientëve është rritur.

Pra sipas tij në hartimin e buxhetit nuk është marrë parasysh numri i pacientëve.

“Kemi dërguar dhjetëra shkresa në QSUT dhe MSH. Përgjegjësia për ngjarjen nuk është kolektive por personale.

Administrimi i sistemit shëndetësor nga politika, është që është vendosur një limit buxhetor: kaq do marrim sepse kaq lekë kemi. Është ulur numri i ilaçeve edhe pse është rritur numri i pacientëve.

Kjo është bërë me vetëdije të plotë ndaj është në kufijtë në një krim kundër popullit tonë.
Bëmë kallëzim me emra në SPAK”, u shpreh ai.