Kreu i Partisë Demokratike, Sali Berisha, ka ngritur shqetësimin për buxhetin e ulët të shëndetësisë në Shqipëri, duke e cilësuar këtë si një emergjencë për sektorin. Ai ka theksuar se Partia Demokratike ka në plan dyfishimin e buxhetit për shëndetësinë dhe do të sigurojë ilaçe me standarde të ngjashme me ato që përdoren në vendet e Bashkimit Evropian.
Berisha gjithashtu ka përmendur se numri i shtretërve dhe i mjekëve për frymë në Shqipëri është shumë më i ulët krahasuar me vendet e BE-së. Ai ka sugjeruar hapjen e një fakulteti të dytë mjekësie dhe ndërtimin e spitaleve të reja si disa nga objektivat prioritare të PD-së për të përmirësuar shërbimet shëndetësore.
Një tjetër masë që ka propozuar është dyfishimi i rrogave për mjekët dhe infermierët, një hap që sipas tij do t’i ndihmojë ata të qëndrojnë në Shqipëri dhe të kontribuojnë në përmirësimin e sistemit shëndetësor. Berisha ka pohuar se qeveria do të ruajë marrëdhënie vetëm me sektorin privat jo-profit, ndërsa sektori tjetër privat nuk do të përfitojë më nga prokurimet në procesin shëndetësor.
Në përpjekje për të modernizuar sistemin, Berisha ka theksuar rëndësinë e një karteleje dixhitale, që do të jetë në themel të reformës që do të ndërmarrë Partia Demokratike për shëndetësinë.
Kreu i PD Sali Berisha: Buxheti për shëndetësinë është tepër i ulët. PD e konsideron emergjencë programin për kujdesin shëndetësor. PD do të dyfishojë buxhetin për shëndetësinë. Partia Demokratike do të garantojë ilaçe të cilësisë, që përdorin vendet e BE-së. Partia Demokratike konstaton se numri i shtretërve për frymë sot është dy herë më i ulët se në vendet e BE, numri i mjekëve për frymë është ulur tejet mase. Në këtë kontekst, hapja e një fakulteti të dytë mjekësie, ndërtimi i spitaleve të reja do të jenë objektiva imediate të PD-së. Do dyfishojmë rrogat e mjekëve dhe infermierëve në Shqipëri. Vetëm kështu mjekët e infermierët do qëndrojnë në vend. Qeveria do ruajë marrëdhënie vetëm me sektorin privat jo-profit. Sektori tjetër do vazhdojë, por nuk do përfitojë nga prokurimet në procesin shëndetësor. Kartela dixhitale do jetë në themel të reformës që do të marrim.
(BalkanWeb)
