TIRANË

Ish-kryeministri Sali Berisha ka reaguar sërish pas mohimit që Ministria e Brendshme i bëri denoncimit të tij se një truprojë e kryeministrit Edi Rama kishte ndërruar jetë si pasojë e një aksidenti.


Në një postim në “Facebook”, Berisha shkruan se ky lajm ka mbi 48 orë që qarkullon në media dhe e publikoi mesazhin që mediat të hetonin për verifikimin e tij. Ai shpreh kënaqësinë që nuk ka jetë të humbura dhe nga ana tjetër thotë se dënon përdorimin çnjerëzor të truprojave njësoj si Kim Il Jung nga Rama.


POSTIMI I BERISHËS
Reagim!
lidhur me një deklaratë të Gjeneral Kanabisit dhe Narkodrejtorit Geron Balili, sqaroj sa vijon:
Lajmi për aksidentimin dhe plagosjen e badiguardëve të Edvin Kristaq Krimit ka mbi 48 orë që qarkullon në mediat e shumta dhe rrjetet sociale. Ndaj këtij lajmi Vasal Kimiku dhe Geron Velia, që mbushin çdo ditë ekranet dhe valët televizive me shpifje ndaj opozitës, nuk thane asnjë fjalë, asnjë përgënjeshtrim.
Pikërisht për shkak të kësaj heshtje akuzuese publikova mesazhin e qytetarit dixhital me kërkesën drejtuar gazetarëve që të ndërmarrin ndonjë hetim për verifikimin e lajmit të kobshëm.
Duke shprehur kënaqësinë që nuk ka jetë të humbura, dënoj me ashpërsinë më të madhe heshtjen dy ditore ndaj lajmeve të mediave nga gjeneral Kanabisi dhe narkodrejtori Geron Balili.
Unë gjithashtu dënoj ashpërsisht përdorimin çnjerëzor të badiguardëve njëlloj si diktatori Kim Il Jung nga Edvin Kristaq Krimi! sb


Berisha Fb 1
Berisha Fb 1

(BalkanWeb)