TIRANE

Ish kryeministri Sali Berisha ka dhënë një prononcim për mediat pas vizitës se ekspozitës së Avni Delvinës.

Ish kryeministri i bëri thirrje socialistëve që të largojnë sa më parë kryeministrin Edi Rama, pasi sipas tij është rrezik kombëtar dhe urrejtja ndaj tij bëhet çdo ditë me e pakufishme.

“Sic e patë erdha këtu të vizitoj një ekspozitë nga piktori Avni Delvina. Ekspozitë e frymëzuar nga transformimi i Donald Trump. Çdo gjë ka një fund dhe ky fund është i afërt. U bëj thirrje socialistëve në interesin më të mirë të tyre që të largojnë me urgjencë Edi Ramën dhe klikën e tij nga pushteti sepse e them me bindjen time më të thellë se urrejtja ndaj tij bëhet çdo ditë me e pakufishme. I bëj thirrje socialistëve të mos nënvlerësojnë situatën, sepse në mënyrë absolute ndëshkimi popullor për Edi Ramën do të jetë tepër i sigurtë. Ndaj t’i thërrasin mendjes. Ky është një revolucion i nisur nga studentët tani e kanë marrë fjalën qytetarët. Çdo javë e Edi Ramës në pushtet është rrezik madhor kombëtar. Ik! Ik dhe vetëm ik! Dilni socialistë përzini Edi Ramën, largoni nga pushteti njeriun më të rrezikshëm pas Enver Hoxhës”- tha Berisha.

Ish kryeministri tha se nuk do këtë zgjedhje me Edi Ramën kryeministër.

“Opozita po bën përgatitje të etshme për zgjedhjet, por zgjedhje me Edi Ramën në Shqipëri nuk do ketë më, për këtë ju garantoj“, tha Berisha.

I pyetur për apelin e SHBA dhe të ndërkombëtarëve ndaj opozitës se debatet duhet të bëhen në Kuvend dhe jo me dorëzim mandatesh, Berisha ka deklaruar se kancelaritë e huaja duhet të vijnë e të shohin realitetin në Shqipëri.

“Ata nuk kanë qëllime të këqija, por të vijnë të shohin një realitet që do të jetë në shumë aspekte krejt tjetër”- tha ai.

(d.d/BalkanWeb)