Sali Berisha, kreu i Partisë Demokratike, ka ndarë me publikun politikanët që e kanë frymëzuar gjatë karrierës së tij. Ai përmendi disa figura historike dhe politike të njohura ndërkombëtarisht, duke theksuar se ata e kanë motivuar përmes akteve të guximit dhe vendimeve të rëndësishme.

Në fjalimin e tij, Berisha veçoi Uinston Churchill, i cili, gjatë Luftës së Dytë Botërore, shpalli se Britania e Madhe do të luftonte në çdo front për të mbrojtur lirinë. Po ashtu, ai theksoi frymëzimin që ka marrë nga Ronald Reagan, i cili i konsideroi ngjarjet e periudhës së Luftës së Ftohtë si një luftë për lirinë e njerëzimit, duke theksuar rëndësinë e lirisë individuale dhe demokratike.

Berisha gjithashtu përmendi Donald Trump, duke theksuar se ai e ka frymëzuar kur ka deklaruar se armiku më i rrezikshëm është armiku i brendshëm, duke përmendur politizimin e drejtësisë dhe censurën që mund të dëmtojnë shoqërinë. Ai gjithashtu theksoi qëndrimin e Martin Luter King, i cili, përpara dënimit, mbrojti bindjet e tij me guxim dhe ndërgjegje të plotë.

Në përgjithësi, Berisha theksoi se figura që e kanë frymëzuar më shumë janë ata që kanë bërë veprime të guximshme dhe kanë mbrojtur lirinë dhe të drejtat e individëve.

Pjesë nga fjala e kreut të PD Sali Berisha:

Pyetje interesante, sigurisht që ka politikanë që më kanë frymëzuar shumë.

Këta politikanë që më kanë frymëzuar, më kanë frymëzuar me akte madhore të guximit.

Më ka frymëzuar shumë Çërçilli kur thotë se nuk dorëzohemi kurrë por do luftojmë në tokë, në det, në ajër, në një kohë kur situata ishte dëshpëruese për Britaninë e Madhe.

Më ka frymëzuar jashtë mase Ronald Regan kur deklaroi se çështja gjermane është çështje e lirisë së njerëzimit, zoti Gorbaçov rrëzojë këtë mur.

Më ka frymëzuar shumë Donald Tramp kur guxoi të thotë se armiku më i rrezikshëm është armiku i brendshëm, në kuptimin që janë ata që mbanin flamurin e censurës, që politizonin në mënyrë ekstreme drejtësinë, që ndërmerrnin shkatërrimet masive të simboleve të historisë së SHBA si në revolucionin kulturor kinez apo kundër kishave dhe xhamive në Shqipëri.

Pra, ata që më kanë frymëzuar më shumë kanë qenë njerëzit e vendimeve të guximshme.

Më ka frymëzuar Martin Luter, që para konklavës që do ta hidhte në zjarrin e truve, u thotë gjykatësve se gjithçka kam thënë, e kam thënë me ndërgjegje të plotë dhe me bindjen time më ët plotë.

Pra, frymëzuesit e mi më të mëdhenj janë guximtarët më të mëdhenj.

Unë ndoshta e kuptova në këtë formë.