TIRANË
Zëvendëskryetari i Lëvizjes Socialiste për Integrim Luan Rama ka reaguar për betimin e Arta Vorpsit tek noterja. Me një shënim në “Facebook” , Luan Rama thekson se Kuvendi i marrëzive të kushtetutës u mësoi sot shqiptarëve se ka edhe diçka tjetër, që ai e quan si “marrëzi të noterizuar”. Ai shkon më tej, ndërsa shton se tani radhën e kanë ndërkombëtarët që të kuptojnë se deri ku arrin niveli i marrëzisë në Shqipëri.
Postimi në Facebook:
Marrëzi e noterizuar! Kuvendi i marrëzive kushtetuese, na dha mundësinë të mësojmë se paska edhe marrëzi të noterizuar! Tani e kanë rradhën ndërkombëtarët që të kuptojmë se deri ku mbërrin marrëzia!Vetëm duhet të dimë që psikoanaliza është një terapi kundër injorancës. Ajo nuk ka asnjë efekt mbi marrëzinë.