Presidenti amerikan Joe Biden ka njoftuar ndalimin e shpimeve të reja të naftës dhe gazit në det të hapur përgjatë pjesës më të madhe të vijës bregdetare të Amerikës, disa javë përpara se Donald Trump të marrë detyrën.
Ndalimi mbulon të gjithë bregdetin e Atlantikut dhe Gjirin lindor të Meksikës, si dhe bregun e Paqësorit pranë Kalifornisë, Oregon dhe Uashington dhe një pjesë të Detit Bering jashtë Alaskës.
Ky është i fundit në një varg veprimesh të politikës klimatike të minutës së fundit nga administrata Biden përpara kthimit të Trump në Shtëpinë e Bardhë.
Gjatë fushatës së tij, Trump u zotua të “lëshojë” prodhimin vendas të karburanteve fosile në një përpjekje për të ulur kostot e gazit, pavarësisht se SHBA-të tashmë shohin norma të larta rekord të nxjerrjes.
Biden tha në një deklaratë: “Vendimi im pasqyron atë që komunitetet bregdetare, bizneset dhe plazhistët e kanë njohur për një kohë të gjatë: se shpimi në këto brigje mund të shkaktojë dëme të pakthyeshme në vendet që ne i duam dhe është e panevojshme për të përmbushur nevojat e kombit tonë për energji.
“Nuk ia vlen rreziqet”.
Biden po ndërmerr veprimet sipas Aktit të Tokave të Shelfit Kontinental të Jashtëm të vitit 1953, i cili u lejon presidentëve të tërheqin zonat nga marrja me qira dhe shpimi i mineraleve.
Trump është zotuar të ndryshojë politikat e ruajtjes dhe ndryshimeve klimatike të Bidenit kur ai të marrë detyrën në fund të këtij muaji. Megjithatë, ligji nuk u jep presidentëve autoritetin ligjor për të përmbysur ndalimet e mëparshme, sipas një vendimi gjyqësor të vitit 2019. Ai gjithashtu nuk i lejon presidentët të revokojnë asnjë zonë të marrë tashmë me qira për shpime në det.
(A.A/BalkanWeb)
