Një zjarr ka shpërthyer në një parkim nëntokësor në Zvicër.

Zëdhënës i mediave për policinë kantonale të Aargaut, Bernhard Graser ka thënë se garazhi ishte mbushur krejtësisht me tym dhe se “gjithçka ishte e mbuluar nga e zeza”.

Në vendngjarje, shërbimet e zjarrfikësve kanë gjetur një Lamborghini, e cila ishte shkrumbuar.

Parkimi kolektiv mësohet se ka qenë për një bllok pallatesh dhe se në të mund të parkonin deri në 100 automjete. Pasojat materiale janë të rënda, por se për fat të mirë, askush nuk u lëndua.

Po hetohet shkaku i ngjarjes, ndërsa nga flakët u përfshinë 76 mjete. Flakët kanë dëmtuar edhe tavanin e parkimit.