ELBASAN – Pas bllokimit të rrugës nga masivi shkëmbor dhe punës intensivive për hapjen e Baypass-it në Mamel ka rinisur qarkullimi në autostradën Elbasan-Tiranë.
Një masiv shkëmbor u shkëput dy ditë më parë nga skarpati anësor duke bllokuar lëvizjen e mjeteve në aksin rrugor Elbasan-Tiranë. Masivi shkëmbor u shemb në afërsi të fshatit Mamël. Gazetari Fatmir Popja ka siguruar për “BalkanWeb” pamjet nga vendi ku po punohet për hapjen e autostradës.
Gjatë kësaj kohe lëvizja e mjeteve bëhej nga rruga e vjetër në “Qafë Krrabë”.
(e.f/BalkanWeb)