DURRËS

Bllokohet në portin e Durrësit një sasi heroine. Gazetarja Klodjana Haxhiaj raportoi për “BalkanWeb” se policia kufitare në bashkëpunim me agjentë të sektorit antidrogë në policinë e Durrësit gjatë një kontrolli zbuluan lëndën narkotike të llojit të fortë.

Droga është zbuluar gjatë kontrollit që i është bërë drejtuesit të një kamioni. Mësohet se lënda narkotike, rreth 2 kg e 160 gramë heroinë do trafikohej drejt Italisë.  Ndërkohë është arrestuar në flagrancë shoferi i kamionit dhe janë shoqëruar edhe 2 persona të tjerë.

Ky është rasti i dytë që kapet drogë në tentativë për t’u trafikuar në të njëjtën mënyrë. Gazetarja Haxhiaj tha se edhe para pak muajsh është kapur një sasi droge e fshehur në trup, e lidhur me ngjitës.

(BalkanWeb)

• Droga në Durrës, shoferi i kamionit e kishte fshehur në trup
• Policia informacion zyrtar për drogën: Ja sa heroinë u kap në port
• Foto/Durrës, si e kishte lidhur shoferi i kamionit drogën në trup