BOLIVI
Një aksidenti i rëndë ka ndodhur në Bolivi. Të paktën 22 persona kanë humbur jetën si dhe 37 të tjerë janë lënduar si pasojë e një aksidenti midis dy autobusëve.
Autoritetet boliviane kanë bërë të ditur se disa nga të lënduarit janë në gjendje të rëndë shëndetësore dhe për këtë arsye mund të rritet numri i personave të vdekur, shkruan Euronews.
Në një raport të Policisë thuhet se aksidenti u shkaktua për shkak të tejkalimit të shpejtësisë së kufizuar dhe dyshohet se njëri nga autobusët mund të ketë qenë në kahun e gabuar të rrugës.
BalkanWeb