Mijëra mbështetës të ish- presidentit të Brazilit Jair Bolsonaro u mblodhën në plazhin e famshëm Copacabana të Brazilit të dielën për të protestuar ndaj akuzave me të cilat përballet lideri populist i krahut të djathtë për një tentativë të supozuar për grusht shteti.
Bolsonaro dhe aleatët e tij të ngushtë iu bashkuan protestës, e cila gjithashtu bëri thirrje që Kongresi të jepte amnisti për ata që ishin në burg për rolet e tyre në trazirat e 8 janarit 2023, kur mbështetësit e liderit të diskutueshëm sulmuan ndërtesat qeveritare në kryeqytetin Brasilia, duke kërkuar që ushtria të rrëzonte presidentin e ardhshëm Luiz Inacio që mposhti Bolson da Silva2 në zgjedhjet.
Një tufë njerëzish të veshur me fanellën verdhegjelbër të kombëtares së Brazilit brohorisnin dhe mbanin pankarta ku shkruanin “Amnisti, tani!”
Sipas raporteve lokale, rreth 18,000 njerëz morën pjesë në protesta shumë larg nga 1 milion që organizatorët kishin pritur.
Protesta vjen përpara një vendimi të Gjykatës së Lartë nëse Bolsonaro dhe disa nga aleatët e tij do të dalin në gjyq për rolin e tyre të dyshuar në tentativën për grusht shtet.
Ish-presidenti 69-vjeçar mund të dënohet me më shumë se 40 vjet burg nëse shpallet fajtor.
Bolsonaro u tha mbështetësve të tij në Rio de Zhaneiro se ndalimi që ai të kërkonte rizgjedhje vitin e ardhshëm përbën një “mohim të demokracisë”.
Politikani i ekstremit të djathtë është përpjekur të vendoset si një kandidat kryesor në zgjedhjet e vitit të ardhshëm edhe pse i është ndaluar të mbajë postin deri në vitin 2030 për shkak të pretendimeve të pabazuara për mashtrim në sistemin elektronik të votimit të Brazilit.
Ai po kërkon të imitojë rikthimin politik të Presidentit të SHBA Donald Trump pasi ai gjithashtu u përball me akuza për përpjekje për të përmbysur zgjedhjen e Joe Biden në 2021 kur mbështetësit e tij sulmuan Kapitolin në Uashington DC.
Një foto e Trumpit duke mbajtur grushtin me një vesh të gjakosur pasi u qëllua gjatë një mitingu fushatës u shfaq në skenën e Copacabana.
“Dua t’u them të gjithë atyre që nuk më pëlqejnë në Brasilia: zgjedhjet pa Bolsonaron janë një mohim i demokracisë në Brazil,” përfundoi ai
(BalkanWeb)
