Ankesat e një 10-vjeçareje se diçka lëvizte në gojën e saj, janë marrë si shaka, por më pas dentisti është tmerruar kur zbuloi në mishrat e dhëmbëve të nxënëses dhjetëra krimba, që jetonin brenda gojës. Ana Cardoso u dërgua në një klinikë në Brazil, pasi u ankua për një ndjesi si të shpimit të gjilpërës në mishrat e gojës dhe “gjëra që lëviznin përreth”.
Nëna e saj Adriana, 35 vjeçe, tha se “vajza kishte disa ditë që më rrëfente se ndjente diçka që lëvizte në gojën e saj dhe në fillim mendova se ishte shaka”.
Por kur e çoi të bijën tek dentisti u trondit kur zbuloi se vajza ishte prekur nga një infeksion që prek si njerëzit ashtu edhe kafshët, e që prodhon krimba në gojë, e që njihet si “Miaza orale”.
Infeksioni prek zakonisht njerëzit që kanë pësuar plagë ose lëndime në fytyrë. Ai është gjithashtu shumë i zakonshëm në rajonet me një klimë të ngrohtë.
(m.k/BalkanWeb)