Të prekur dukshëm, me lot në sy, Mbreti Charles dhe gruaja e tij Camilla morën pjesë në ngjarjet që shënuan 80-vjetorin e zbarkimit të Normandisë të mërkurën.
Çifti mbretëror, si dhe Princi William, morën pjesë në një ngjarje në Portsmouth dhe dëgjuan veteranin Eric Bateman që tregonte kushtet e tmerrshme në të cilat u zhvilluan zbarkimet në bregdetin francez më 6 qershor 1944.
Mbretëresha ishte në lot, ndërsa i shoqi e shikonte me emocion.
Kishte aq shumë anije aleate në Kanal saqë ” mezi mund të lëvizje nëpër kanal”, tha veterani.
Në fjalimin e tij, pak më parë, Charles iu referua atyre që luftuan në 1944 “me guxim, këmbëngulje dhe solidaritet”.
“Ne do t’u jemi përgjithmonë borxhli këtyre njerëzve,” theksoi Charles, duke shtuar se përpjekjet e këtyre njerëzve për t’i dhënë fund “totalitarizmit barbar” nuk duhet të harrohen kurrë.
Portsmouth ishte një nga pikat e tubimit për forcat aleate përpara zbarkimit.
Të enjten, Charles do të udhëtojë në Francë për ngjarjet ku marrin pjesë krerët e shteteve dhe kryeministrat.
