ITALI

Një burrë e ka pësuar shumë keq në Itali, pasi ka vjedhur traktorin e babait dhe për këtë ai u dënua.

Ai tha se e ka kryer vjedhjen, pasi iu kishte borxh disa banditëve shqiptarë dhe e vetmja mënyrë ishte grabitja. Mirëpo, pas hetimeve, ka rezultuar se të gjitha ishin alibi që burri kishte përdorur për të shpëtuar nga drejtësia, shkruajnë mediat italiane.

Problemet me drejtësinë për 45-vjeçarin janë dyfishuar, pasi përpos babait, atë e denoncoi edhe ish-partnerja. Ndaj tij rënduan një sërë akuzash, duke filluar nga grabitja, zhvatja, plaçkitja, dhuna seksuale dhe rrëmbimi. Në lidhje me akuzat e ish-bashkëshortes, burri po mbrohet dhe ka hedhur poshtë pretendimet.

(d.xh/Balkanweb)