TIRANE
Analisti Andi Bushati i ftuar në emisionin “Të Paekspozuarit” në News 24 ka komentuar skandalin e publikuar së fundmi nga Partia Demokratike, atë të ndryshimin të planit urbanistik të Tiranës, për të favorizuar pallatet e Edmond Begos. Bushati u shpreh se nëse rrëzohet kryeministri, Edi Rama nga opozita do t’i kërkojë llogari kreut të opozitës, Lulzim Bashës, për lidhjet e PD me të njëjtat persona.
Bushati tha se shqiptarët e dinë që asnjë parti politike nuk mund të pastrohet pa prerë lidhjet e saj me persona të dyshimtë.
Bushati: Kishte privilegjin e njeriut që ka ndarë paratë. Këtë gjë e kuptojnë gjithë shqiptarët që e gjitha kasta politike nuk ndahet nga këto njerëz.
Unë mendoj që asnjë parti tjetër nuk ka mundësi të bëjë katarsis pa u vetëpastruar, pa prerë cdo lidhje në këtë botë që i kanë mbajtur peng sa herë që kanë qeverisur.
Kjo zgjidhet ose me formimin e forcave të reja. Trazirat në 97 nxorrën një PS më të pastruar. Po rrëzuam Edi Ramën, do e kemi në opozitë duke i kërkuar llogari Bashës pse qeveris me të njëjtët njerëz.
(BalkanWeb)