ITALI- Futbollisti i njohur italian, Antonio Cassano është zyrtarisht pjesë e Sampdorias, njoftoi sot ekipi duke saktësuar se fantazisti ka firmosur një kontratë dyvjeçare me klubin, deri në 30 korrik të vitit 2017.
”Jam i lumtur, gjithmonë përpara Samp!”, deklaroi Cassano pas firmosjes së kontratës.
Sot pasdite, Antonio Cassano do të jetë në qendrën teknike “Gloriano Mugnaini” në Bogliasco për të qenë nën urdhërat e menaxherit Walter Zenga.
Me të do të jetë edhe trajneri i atletikës, Agostino Tibaudi, me detyrën për të ulur peshën trupore të Cassanos, i cili prej muajsh të tërë nuk ka prekur top me këmbë.
(ma.ar/ansa/BalkanWeb)