TIRANË

Deputeti dhe ish-ministri i Jashtëm i Shqipërisë, Kastriot Islami i ftuar në emisionin “Kjo Javë” në News 24 ka folur për emrin e Gent Cakajt, i propozuar nga Rama si ministër i Jashtëm.

Sipas tij, Gent Cakaj është një figurë e vogël.

“Nuk është  thjesht në nivelin e politikës së jashtme, më shumë se “furtunë” unë do e quajë si “maska” e Gent Cakajt. Edhe në Kosovë  nuk di askush detajet e marrëveshjes për integritetin e Kosovës, por as në Shqipëri nuk e di.  Rama nuk është shprehur, ai ka lënë të kuptohet se është në dijeni. Rama ka heshtur duke mos shprehur asgjë,  kjo ka një pjesë që lidhet me ministrin e jashtëm. Dua të them që askush nuk di detaje, por thuhet se do të preket integriteti i Kosovës”, tha Islamaj.

Deputeti u ndal edhe tek përplasjet politike mes Ramës dhe Metës, por edhe tek reagimi i kreut të qeverisë së Kosovës, Ramush Haradinaj. Islami foli edhe për “klanet” në këtë çështje.

“Për t’u maskuar kanë thënë se është një rregullim i çështjeve të kufirit. Njëra palë është Rama-Thaçi, nga ana tjetër, Meta me politikanë shqiptarë, përfshirë edhe Haradinajn. Duke qenë se është një çështje e koklavitur nuk ka dashur të shprehet. Haradinaj është shprehur në mënyrë akoma më ekstreme duke vendosur taksën 100 % duke bërë të pamundur marrëveshjen me Serbinë. Haradinaj është shprehur për këto, por duke qenë se është një çështje e brendshme nuk ka zgjedhur të flasë.  Zoti Gent Cakaj është shumë i vogël”, tha ai.

(n.m/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: