David dhe Victoria Beckham festuan 25-vjetorin e martesës me të njëjtat veshje ngjyrë vjollcë që kishin veshur në dasmën e tyre në vitin 1999. Të dy postuan një fotografi në Instagram me një mbishkrim ku shkruhej: “Shiko çfarë gjetëm…”
Të ulur në fronet mbretërore dhe të kapur për dore, çifti riktheu veshjen e famshme të para dy dekadave. Gjithsesi, në fotografinë e re mungonte djali Brooklyn, i cili shfaqet në foton ikonë të prindërve të tij kur ishte vetën 4 muajsh, i veshur po ashtu me një kostum ngjyrë vjollcë.
Menjëherë në postim vërshuan komentet e fansave, të cilët përveç komplimenteve të shumta, i kërkuan Victoria-s të rikthejë prerjen e saj tipike të flokëve. Çifti, u martua në Kështjellën Luttrellstown në Irlandë në vitin 1999 në një ceremoni luksoze që mori vëmendjen e të gjitha mediave botërore.
![0 500 1720092681xcapturepng 924](https://www.balkanweb.com/wp-content/uploads/2024/07/0-500-1720092681xcapturepng-924-321x350.png)