SHBA
Britaniku John Drennan u ul më gjunjë për t’i kërkuar të dashurës së tij 10 vite më të re, Daniella Anthony, të martohej në sheshin kryesor të New York-ut, “Times Square”.
E dashura sigurusht që i tha PO, Por, unaza ishte e përmasave të gabuara,ishte më e madhe. “U përpoqa t’i thoja Johnit se unaza ishte shumë e madhe, por ai këmbënguli që unë ta vija në gisht”, tha Daniella për BBC-në. E ndërsa çifti ecte përmes “Times Square”-it, unaza me një gur diamanti i ra papritur nga gishti i saj.
Çifti njoftoi policinë, e cila nisi kërkimet për orë të tëra por pa fat! Drennan dhe Anthony u detyruan të ktheheshin në shtëpi dhe planifikuan të blinin një unazë të re.
Ndërkohë, Departamenti i Policisë së Neë York-ut e gjeti më në fund unazën, e duke qenë se çifti ishte larguar, nisi një fushatë në rrjetet sociale gjatë së shtunës për ta gjetur atë, duke publikuar fotot e tyre dhe të unazës. Vetëm një ditë më pas, misteri u zgjidh.
“Çifti është kthyer në Britaninë e madhe, por falë rrjeteve sociale ata u informuan për faktin se ne ishim duke i kërkuar. Tashmë jemi duke bërë përgatitjet e fundit që t’ua dërgojmë unazën. Urime!”, shkruante policia e New York-ut në “Twitter”.
WANTED for dropping his fiancée’s ring in @TimesSquareNYC!
She said Yes – but he was so excited that he dropped the ring in a grate. Our @NYPDSpecialops officers rescued it & would like to return it to the happy couple. Help us find them? ? call 800-577-TIPS @NYPDTIPS @NYPDMTN pic.twitter.com/tPWg8OE0MQ— NYPD NEWS (@NYPDnews) 1 dicembre 2018
(BalkanWeb)
