Ish-mbrojtësi i Barcelonës, Pique i vari këpucët në gozhdë gati dy vjet më parë, por ai vazhdon të jetë një referencë për tifozët e këtij klubi.

Si një prodhim i akademisë (“La Masia”), tashmë biznesmeni Pike ka folur si një dashamirës i blaugranave. Ai ka vlerësuar së tepërmi politikën e klubit me të rinjtë e dalë nga akademia. Pike mbështet të ardhmen e perlave si Lamin Jamal, Pau Kubarsi dhe së fundmi Mark Bernal. Gjatë një interviste për “Mundo Deportivo”, Pike është ndalur te tema e të rinjve, duke mos e fshehur habinë me dyshen Kubarsi e Jamal, që ndonëse 17-vjeçarë, duket sikur kanë një jetë në fushë.

“Mendoj se ajo që është më e habitshme, si me Kubarsin dhe me Jamalin, është pjekuria me të cilën ata zbresin në fushë. Duke qenë se janë të dy anësorë, që normalisht duhet të përballen një kundër një me kundërshtarin, të dy e gjejnë zgjidhjen e duhur, zgjidhin me zgjuarsi çdo situatë. Është mahnitëse të shohësh se si dy lojtarë aq të rinj luajnë me aq pjekuri”, tha Pike.