SERBI-Ministri i jashtëm i Serbisë, Ivica Daçiç, ka deklaruar sot se Serbia ushtarakisht është vend neutral dhe nuk ka synim që të bëhet anëtare e NATO-s, por është e interesuar për marrëdhënie të mira.
“Ne jemi ushtarakisht neutral dhe nuk kemi synim të bëhemi anëtare e NATO-s, por kemi interes të jemi në raporte të mira në kuadër të paqes dhe marrëdhënie të mira në rajon”, tha Daçiç për Televizionin Pink në Beograd, me rastin e nënshkrimit të Planit aksional për partneritet individual (IPAP) me NATO-n.
Më tej ai shpjegoi se kjo marrëveshje paraqet shkallën më të lartë të bashkëpunimit me aleancën veri-atlantike të një shteti, i cili nuk dëshiron të jetë anëtar i NATO-s.
(a.n/REL/balkanWeb)