DURRES– Vangjush Dako është rizgjedhur kryetar i bashkisë së Durrës. Kandidati i Aleancës për Shqipërinë Europiane ka fituar me 53.616 vota, ndërsa kandidatja e djathtë Grida Duma ka marrë 40.373 vota.
Ky është mandati i tretë i Dakos në krye të bashkisë së qytetit bregdetar. Në fjalën e tij pas fitores, Dako tha se rizgjedhja e tij si kryetar, kësaj here i bashkisë së madhe të Durrësit, “është një përgjegjësi e madhe”.
Dako është shprehur se në mandatin e tretë të tij do të jetë bashkëpunues me të gjithë aleatët e tij për të realizuar projektet për qytetin, dhe për të ofruar sa më shumë shërbime për qytetarët.
Numërimi i 310 kutive të votimit ka përfunduar ditën e sotme rreth orës 20:00.
Fitorja e Dakos në Durrës e çon deri më tani në 43 numrin e bashkive të fituara nga ASHE.
(el.sp/BalkanWeb)